|
|
გიშნაგორა სტატია
კრიშტიანუ რონალდუ დუშ სანტუშ ავეირუ (პორტ. Cristiano Ronaldo dos Santos Aveiro; ევროპული პორტუგალიური: [kɾiʃˈtjɐnu ʁoˈnaɫdu] ( მორჩქილა); დ. 5 ფურთუთა 1985, ფუნშალი, პორტუგალია) — პორტუგალიარი მობურთე, პორტუგალიაშ ერუანული ნაკორობაშ გემანთხაფალი, საუდიშ არაბეთიშ ოკუჩხბურთე კლუბი ან-ნასრიშ კაპიტანი. ევროპაშ ჩემპიონი. იკოროცხუ არძა ბორჯიშ ართ-ართი არძაში უჯგუში მობურთეთ.
კისეფ-იშ მუნაჩემეფით, კუჩხბურთიშ ისტორიას არძაშე უჯგუში ბომბარდირი დო RSSSF-შ მუნაჩემეფით — მაანთხა(ინგლ.)მარგ., არძაშე შედეგამი მობურთე ნაკორობაშ დონეს, თაშნეშე ესპანური კლუბი „რეალ მადრიდიში“. პორტუგალიაშ კუჩხბურთიშ ფედერაციაშით აღიარაფილი რე პორტუგალიაშ ფეხბურთიშ ისტორიაშ საუჯგუშო მობურთეთ. ისტორიას პირველი მობურთე რე, ნამუქჷთ შილებუ ინგლისიშ პრემიერ-ლიგაშ, ესპანური პრიმერაშ დო იტალიაშ სერია A-შ გომორძგუალა. აღიარაფილი რდჷ თე ტურნირეფიშ ირი სეზონიშ საუჯგუშო მოლაჸაფეთ დო ბომბარდირო.
პროფესიული კარიერა დიჭყჷ პორტუგალიურ ოკუჩხბურთე კლუბი „სპორტინგის“, 2003 წანას გინორთჷ ინგლისურ ოკუჩხბურთე კლუბი „მანჩესტერ იუნაიტედიშა“, 2009 წანას — ესპანურ „რეალ მადრიდიშა“ (2013 წანშახ თე ტრანსფერიშ მუდანობა რეკორდული რდჷ კუჩხბურთიშ ისტორიას), 2018 წანას — იტალიურ „იუვენტუსიშა“. ანდაშა დეინალჷ France Football-იშ ორქოშ ბურთი (2008, 2016, 2017), ფიფაშ „ორქოშ ბურთი“ (2013, 2014) დო „ევროპაშ ორქოშ ბუცი“ (2008, 2011, 2014, 2015). კრიშტიანუ რონალდუ რე რეკორდსმენი ევროკლუბეფს მანჯებული მატჩეფიშ მუდანობათ, არძა ბორჯიშ ევროპული ტურნირეფიშ საუჯგუშო ბომბარდირი, უეფაშ ჩემპიონეფიშ ლიგაშ ისტორიას საუჯგუშო ასისტენტი დო რეკორდულო, შკვითშა რდჷ უეფაშ ჩემპიონეფიშ ლიგაშ სეზონიშ საუჯგუშო ბომბარდირი, ნამუეფშე ამშვის — მეჸუნელო: 2008 წანას, თაშნეშე 2013, 2014, 2015, 2016, 2017 დო 2018 წანეფს. მეჸუნაფილო მასუმა ჩემპიონეფიშ ლიგას გომორძგვილი რე „რეალ მადრიდიშ“ აკოდგინალუას დო გჷნირთუ პირველ მოლაჸაფეთ, ნამუქჷთ მიგჷ თე თასი ხუთშან. |
| გიჩქუდესო, ნამჷ-და...
|
ვიკიპედიაშ ახალი მასალეფშე:
 კოლხეთიშ ერუანული პარკიშ ართამი მიოჯინი
|
დღაშ სურათი
|
|
|
|
| ახალი ამბეეფი
|
 JJ (მომბირე)
მიმალი: რუსეთიშ მინოკათუა უკრაინაშა (2022-ა. შ.) • სუდანიშ ომენოღალე ლჷმა (2023-ა. შ.)
|
| ამდღანერი დღა ისტორიას
|
 სემუელ პეპისი
1223 : კალკაშ ბურჯაფი : მონღოლეფქ კიევალეფიშ, გალიჩიშ დო ჩერნიგოვიშ აკოკათელი ჯარეფი დამარცხეს წყარმალუ კალკაშ წყარპიჯიწკჷმა, ასეიანი უკრაინაშ ტერიტორიას.
1669 : გოუფრაშაფილი თოლს რკებაშ გეშა, ინგლისაირი ოზუღე მადუდე დო პარლამენტიშ მაკათური სემიუელ პიპსიქ (სურათის) ბოლო დინნაჭარა აკეთჷ მუში დღარს, ნამუთ ართ-ართი უშანულამაში პირველონი წყუ რე სტიუარტეფიშ რესტავრაციაშ პერიოდიშე.
1889 : საუზ-ფორკიშ კაშხალქ გოხორცქჷ ჯონზტაუნწკჷმა, პენსილვანიას, ნამუშ გეშა 18,1 მილიონი კუბური მეტრი წყარიშ ნიღვარიაქ გოხოლუაშ ტერიტორიას 2200 ადამიერი გოჭყვიდჷ.
1910 : კაპაშ, ნატალიშ, ტრანსვაალიშ კოლონიეფქ დო ორანჟიშ დუდიშული სახენწჷფოქ აკოქიმინეს ობჟათე აფრიკაშ რსხუ, ნამუქჷთ ზუსტას 51 წანმოწანაშა ობჟათე აფრიკაშ რესპუბლიკათ გეგნიქიმინჷ.
1974 : სირიაქ დო ისრაელქ ოლიმარე ქიმინუეფი მიოტუერს — გეთჷ ეჩდღარი იომ-ქიფურიშ ლჷმაქ.
|
| ახალი სტატიეფი
|
|
|
.jpg?lang=xmf)
