Protestas pro sa morte de Nahel MerzoukViolèntzia urbana in s'ìnteri de sa protesta
Su mortòrgiu de Nahel Merzouk pro manu de un'ufitziale de politzia at donadu s'incumentzu a una sèrie de manifestadas in Frantza su 27 de làmpadas de su 2023. In Nanterre, is bividores ant incumentzadu una chèscia a foras de sa sede tzentrale de sa politzia, chi prus tardu est degenerada in abbolotu cando is manifestadores ant brusiadu veturas, isciusciadu firmadas de su postale e isparadu artifìtzios concas a sa politzia. In Viry-Châtillon, una bidda pagu a tesu de Parigi cun un'istòria de violèntzia contras a sa politzia, unu grupu de giòvanos ant postu fogu a una corriera.
In Mantes-la-Jolie, una bidda a 40 km nord-ovest se Parigi, est brusiadu su munitzìpiu in su note de su 27 làmpadas finas a is 3:15 (CEST). Is iscontros sunt sighidos pro totu su note peri sa Frantza, incluende Toulosa e Lilla.
A die de su 29 de lampadas, fiant istadas arrestadas 150 persones, 24 ufitziales fiant istados fertos, e 40 veturas fiant istadas brusiadas. Timende abbolotos prus mannos, Gérald Darmanin, Ministru de s'internu de Frantza, at imbiadu a 1200 ufitziales anti-abbolotu e de gendarmeria a Parigi e a giru, agiunghende·nde prus tardu a àteros 2000. Su 29 de làmpadas, Darmanin at annuntziadu s'imbiu de 40000 ufitziales in totu sa natzione pro asseliare sa violèntzia.
