ချင်းအမျိုးသားဒီမိုကရက်တစ်ပါတီ

ချင်းအမျိုးသားဒီမိုကရက်တစ်ပါတီ
အင်္ဂလိပ် အမည်	Chin National Democratic Party
နာယက	ဦးဇမ်ကျင်ပေါ် (ခ) ဦးဇိုဇမ်း
အထွေထွေ အတွင်းရေးမှူး	ဆလိုင်းကျဲအိုဘိခ်ထောင်
တည်ထောင်ခြင်း	၂၇ မေ ၂၀၁၀ (၂၀၁၀-၀၅-၂၇)
ဖျက်သိမ်းခြင်း	၁၁ ဇူလိုင် ၂၀၁၉
ယခင်	ချင်းအမျိုးသားပါတီ
ဆက်ခံ	ချင်းအမျိုးသားဒီမိုကရေစီအဖွဲ့ချုပ်
ဌာနချုပ်	လမ်းမတော်မြို့နယ်၊ ရန်ကုန်တိုင်းဒေသကြီး
အဖွဲ့ဝင်	၁၀၀,၀၀၀ ခန့်
အမျိုးသားလွှတ်တော် အမတ်နေရာ	၀ / ၂၂၄
ပြည်သူ့လွှတ်တော် အမတ်နေရာ	၀ / ၄၄၀
ပြည်နယ်နှင့် တိုင်းဒေသကြီး လွှတ်တော်များ	၀ / ၈၈၀
မြန်မာနိုင်ငံ၏ နိုင်ငံရေး နိုင်ငံရေးပါတီများ

ချင်းအမျိုးသားဒီမိုကရက်တစ်ပါတီ (အင်္ဂလိပ်: Chin National Democratic Party, အတိုကောက် - CNDP) သည် မြန်မာနိုင်ငံရှိ နိုင်ငံရေးပါတီ ဟောင်း တစ်ခုဖြစ်သည်။ CNDP ၏ ယခင်အမည်မှာ ချင်းအမျိုးသားပါတီ (Chin National Party) ဖြစ်သည်။

ပါတီမှတ်ပုံတင်ခြင်း

ချင်းအမျိုးသားဒီမိုကရက်တစ်ပါတီကို ပြည်ထောင်စုရွေးကောက်ပွဲကော်မရှင်၏ ကြေညာချက် ၆၀/၂၀၁၀ အရ ၂၀၁၀ ခုနှစ်၊ မေ ၂၇ ရက်တွင် မှတ်ပုံတင်ခွင့်ပြုခဲ့ပြီး၊ မှတ်ပုံတင်အမှတ်မှာ ၂၁ ဖြစ်သည်။

ရွေးကောက်ပွဲ ယှဉ်ပြိုင်မှု

၂၀၁၅

		ဝင်ပြိုင်သည့်နေရာ	အနိုင်ရမှု
	အမျိုးသားလွှတ်တော်
	ပြည်သူ့လွှတ်တော်
	ပြည်နယ်လွှတ်တော်

ချင်းပါတီ ပူးပေါင်းဖွဲ့စည်းခြင်း

၂၀၁၈ ခုနှစ် အောက်တိုဘာလ ၁၆ ရက်နေ့တွင် ချင်းဒီမိုကရေစီအဖွဲ့ချုပ် (CLD)၊ ချင်းတိုးတက်ရေးပါတီ (CPP)နှင့် ချင်းအမျိုးသားဒီမိုကရက်တစ်ပါတီ (CNDP) ပါတီသုံးခု ပူးပေါင်း၍ ချင်းအမျိုးသားဒီမိုကရေစီအဖွဲ့ချုပ်အမည်ဖြင့် ပူးပေါင်းဖွဲ့စည်းခဲ့သည်။

ပါတီပယ်ဖျက်ခြင်း

ချင်းပြည်နယ်ရှိ ချင်းပါတီ (၃) ခုပေါင်းစည်းပြီး ပါတီအသစ် တည်ထောင်မှုကြောင့် ဤပါတီကို ပယ်ဖျက်ရန် လျှောက်ခဲ့ပြီး၊ နိုင်ငံရေးပါတီမှတ်ပုံတင်ခြင်း နည်းဥပဒေ ပုဒ်မ ၂၅ အရ ပြည်ထောင်စုရွေးကောက်ပွဲကော်မရှင်၏ ကြေညာချက် ၁၁၉/၂၀၁၉ အားဖြင့် ၂၀၁၉ ဇူလိုင် ၁၁ ရက်တွင် ပယ်ဖျက်ခဲ့သည်။