ဇိုမီးဒီမိုကရေစီအဖွဲ့ချုပ်

ဇိုမီး ဒီမိုကရေစီအဖွဲ့ချုပ်
အင်္ဂလိပ် အမည်	Zomi Congress for Democracy
နာယက	ပူးကျင့်ရှင်းထန်
အထွေထွေ အတွင်းရေးမှူး	ပူးဂင့်ကမ်းလျန်
တည်ထောင်ခြင်း	၂၀၁၂ (၂၀၁၂)
ဌာနချုပ်	ပန်းဆိုးတန်းလမ်း၊ ကျောက်တံတားမြို့နယ်၊ ရန်ကုန်မြို့
အဖွဲ့ဝင်	၁၅,၀၀၀
နိုင်ငံရေး သဘောတရား	ဇိုမီးလူမျိုး အခွင့်အရေး
အရောင်	အနီ
အမျိုးသားလွှတ်တော် အမတ်နေရာ	၂ / ၂၂၄
ပြည်သူ့လွှတ်တော် အမတ်နေရာ	၂ / ၄၄၀
ချင်းပြည်နယ် လွှတ်တော် အမတ်နေရာ	၂ / ၂၄
ပါတီအလံ
မြန်မာနိုင်ငံ၏ နိုင်ငံရေး နိုင်ငံရေးပါတီများ

ဇိုမီးဒီမိုကရေစီအဖွဲ့ချုပ် (အင်္ဂလိပ်: Zomi Congress for Democracy; အတိုကောက် ZCD) သည် မြန်မာနိုင်ငံရှိ နိုင်ငံရေးပါတီ တစ်ခုဖြစ်သည်။ ၂၀၁၁ ခုနှစ်တွင် ဖွဲ့စည်းပုံအခြေခံ ဥပဒေတွင် ပါတီများ၏ အမည်နှင့် ပတ်သက်ပြီး ကန့်သတ်ချက်များ ထည့်သွင်းလိုက်ပြီးသည့်နောက်တွင် ဇိုမီးအမျိုးသားကွန်ကရက်ကို ဇိုမီးဒီမိုကရေစီအဖွဲ့ချုပ် အဖြစ် အမည်ပြောင်းလဲခဲ့ခြင်း ဖြစ်သည်။ ပါတီဝင်များမှာ တွန်းဇံ၊ တီးတိန်မြို့နယ်များ အပါအဝင် ချင်းပြည်နယ်မှ ဖြစ်ကြသည်။

ZCD ပါတီဟာ ZNC ပါတီအမည်ဖြင့် ၁၉၉၀ ရွေးကောက်ပွဲတုန်းက တီးတိန် နှင့် တွန်းဇံမြို့နယ်မှာအနိုင်ရရှိခဲ့ပြီး၊ ၂၀၁၅ ခုနှစ် ရွေးကောက်ပွဲမှာ ချင်းပြည်နယ်တွင် မဲဆန္ဒနယ်မြေ ၆ နေရာ၊ ၂၀၂၀ ခုနှစ်ရွေးကောက်ပွဲမှာ မဲဆန္ဒနယ်မြေ ၂ နေရာ အသီးသီး အနိုင်ရရှိခဲ့သည်။

ပါတီမှတ်ပုံတင်ခြင်း

၂၀၂၄

၂၀၂၃ ခုနှစ် ဇန်နဝါရီ ၂၆ ရက်နေ့တွင် အသစ်ထုတ်ပြန်ခဲ့သည့် နိုင်ငံရေးပါတီများ မှတ်ပုံတင်ခြင်းဥပဒေအရ ပါတီများအား ရက် ၆၀ အတွင်း ပြန်လည်မှတ်ပုံတင်ခိုင်းခဲ့ရာ၊ ZCD ပါတီ၏ မှတ်ပုံတင်လျှောက်ထားမှုကို စစ်ကောင်စီ၏ ပြည်ထောင်စုရွေးကောက်ပွဲကော်မရှင်က ၂၀၂၄ ဩဂုတ် ၅ ရက်နေ့တွင် ပုဒ်မ ၆ ပါ ပြဋ္ဌာန်းချက်များနှင့် မညီညွတ်ဟုဆိုကာ ပယ်ချခဲ့သည်။